Loading Page... Please wait! ^_^
Didn't find what you were looking for? Search here for more!
(Mali ba? Hindi ba ito gusto mo makita? I-type at hanapin dito!)
By The Mouse Potato | November 14, 2008
Napansin ko ng mga nakaraang araw na simula ng inilagay ko dito sa blog ko ang ilan sa mga popular quotes ni Bob Ong eh maraming tao ang napapadpad sa aking blog para basahin ito. Ngayon marami tuloy ang nagtatanong sa akin kung may available ba na downloadable ebook ang mga libro ni Bob Ong? Ang sagot wala.
Ganito kasi sabi sa FAQ section ng kanyang libro.
Q: Totoo bang may E-book version ang mga libro ni Bob Ong?
A: Kung meron man, ilegal na mga kopya; walang kabayaran na natatanggap si BO at walang donasyon na napupunta sa mga organisasyon na umaasa sa tulong ng mga mambabasa. Hindi sinusuportahan ni BO ang E-books dahil aksaya lang sa natural resources ang pagkain nito ng kuryente. Sa pagtangkilik ng E-books, tinatalikuran mo ang pagkakataong makatulong sa mga kapuspalad, ninanakawan mo maging ang likas na yaman ng planeta, at pinagkakaitan mo ng pasasalamat ang isang poging Filipino author. Hindi ka cool, at bagay sayo ang pangalang Lucifer.
Ako man ay gusto makahanap ng ebook ng kanyang mga libro gaya ng McArthur at abnkkbsnplak. Kahit isa ay wala pa ako nabasa sa mga libro ni Bob Ong. Pero sa kasamaang palad ay wala ako makita. (kung meron kayo pa-share naman oh haha).
Ngunit sa isang banda ay tama si Bob Ong (kung totoong isang tao lng sya pero sa tingin ng iba ay binubuo si Bob Ong ng maraming tao o writers). Nakakatulong nga tayo para mabawasan ang pangangailangan sa pagputol ng puno para gumawa ng papel, ngunit sa isang banda ay di kumikita ang book industry. Ngunit sa aking pananaw, eh mas gugustuhin ko pa malugi ang book industry kesa maubos ang kagubatan. haha ang layo na yata ng topic ko. baka mamaya ay mag welga pa ako nyan.
Marami ng gumagaya sa style ni Bob Ong kasi nga ang simpleng paraan ng kanyang pagsusulat ay muling bumuhay sa natutulog na industriya ng pagsusulat dito sa Pilipinas. At ito ay nakarating din sa mga kababayan naten na nasa ibang bansa na hanggang ngayon ay patuloy na sumusuporta at nag aantay sa mga darating pang libro nitong si Bob Ong.
Ang masasabi ko lng sau Bob Ong kung sino ka man. Salamat sa mga pranka at parang alang kwenta ngunit meron naman pala na mga kasabihan ng naisulat mo sa libro mo. Ito ang hanap ng mgakababayan nateng Pilipino – isang libro na nagpapatawa na ay nagtuturo pa ng leksyon sa pang araw araw na buhay. Salamat.
Ngayon… pahingi naman ng EBOOK!!! hahaha magkano ba kasi ung libro nya? di kasi ako makagala sa book store… busy kuno. hehe
Ciao!
Translate this one to english if you can’t figure out what I am saying since I chose to write this one in Tagalog
